Stjórnmálakreppa

 

Kreppan á Íslandi er ekki einungis efnahagskreppa.

Kreppan er líka í stjórnmálastéttinni.

Ef til vill er sú kreppa erfiðari og hættulegri en hin þegar til lengri tíma er litið?

Þjóðin hefur glatað trausti á þeim sem eiga að gæta hagsmuna hennar.

Orð þeirra og loforð reynast einskis virði.

Traustið á helstu stofnunum landsins minnkar dag frá degi.

Réttlætiskennd almennings er misboðið.

Peningaglannarnir virðast ósnertanlegir og stjórnmálastéttin er margflækt í sukkið.

Rannsóknarnefndin margfræga á að skoða það sukk. Alþingi hefur tilnefnt fólk sem það fól að skoða sérstaklega niðurstöður nefndarinnar.

Nú hefur einn þeirra skoðunarmanna Alþingis orðið uppvís að sannkölluðu fjármálasukki.

Þegar ráðamenn tala um endurreisn í svona kringumstæðum er auðvitað bara verið að tala um eitt:

Endurreisn fjárglæframanna og túrbókapítalista. Þeir fá að halda fyrirtækjum sínum og fjölmiðlum. Þeir fá skuldir sínar afskrifaðar. Skuldum þeirra verður velt yfir á almenning.

Og þegar ráðamenn tala um endurheimt trausts er auðvitað einungis verið að tala um að þeir sem brugðust trausti endurheimti það til að geta haldið áfram að taka lán.

Þeir verða jú að halda áfram að borga sér ofurlaun, risabónusa og arðgreiðslur.

Við þurfum utanþingsstjórn strax.

Myndina tók ég í haust í hinum ægifagra Vatnsdal.

Athugasemdir

[Carlos (IP-tala skráð) 27.1.2010 kl. 18:07]

Þetta er siðrof, Svavar. Spurning hvað þjóðin ætlar að gera í þessu. Það gengur t.d. ekki að þessir þjófar, sem tæmdu bankana ganga lausir á meðan að smælingjarnir tapa húsum sínum og jafnvel framtíðinni sinni.