Hlátur í útlöndum

 

Ég hef sömu áhyggjur og Vilhjálmur Bjarnason.

Þeir sem réðu ríkjum fyrir hrun eru að ná tökum á viðskiptalífinu aftur.

Og ég held að þeir séu að ná tökum á landinu aftur.

Við erum að smella ofan í sama gamla farið.

Gamla auð- og valdastéttin fær gömlu fyrirtækin sín og gömlu fjölmiðlana. Gömlu skuldirnar eru strikaður út úr gömlu klöddunum.

Gömlu deilurnar eru endurvaktar. Sama gamla og þreytta liðið stjórnar umræðunni. Gömlu klisjurnar heyrast. Gömlu frasarnir lesast.

Það er enginn að segja neitt nýtt.

Gamla íslenska minnimáttarkenndin blossar upp. Í sumum kreðsum vita menn ekkert skelfilegra en að verða "aðhlátursefni í útlöndum".

Að hverju skyldu menn hlæja í útlöndum?

Liðinu sem náði að krafla sig upp á veginn eftir að drukkinn bílstjóri hafði keyrt rútuna út af og lætur það verða sitt fyrsta verk að setjast upp í alveg eins rútu hjá alveg eins drukknum bílstjóra?

Og kallar það endurreisn.

Myndina tók ég við Glerána í dag.

Athugasemdir

[, 8.2.2010 kl. 03:24]

"Vive la resistance"  Merkilegt hvað Íslendingar eru lélegir í að breyta hlutunum. Erum við löt eða rög eða hvað?

[Guðmundur Pálsson, 8.2.2010 kl. 09:08]

Ég held ad thetta sé vidhorfsvandi. Ekki bara spurning um völd.

Í nýlegum útvarpsthaetti beindi Vigdís forseti til hlustenda eftirfarandi rádum: Styrkja menntakerfid, sérlega auka heimspeki í skólum, virdingu fyrir opinni umraedu ( samtalinu)  og lýdraedislegri hefd. Auka kennslu um mál okkar og tungu - arfinn okkar. Einnig sagdi hún eitthvad á thá leid ad fleiri sjónarmid thurfi ad koma fram í sérhverri umraedu.

Ég held ad hún hafi rétt fyrir sér. Thad er thörf á ad hugsa um vandann til lengri tíma. Unga fólkid tharf betri grunn.

[Hallgrímur Jónasson (IP-tala skráð) 8.2.2010 kl. 11:16]

Þetta er alveg rétt. því miður. Hvernig stendur á þessu er hins vegar sú spurning sem fólk hlítur að spyrja. Er það stefnuleysi stjórnvalda, þekkingarleysi og dugleysi sem á þarna stóran þátt. Þeir siðlausu þjófar sem komu landinu á heljarþröm munu einskis svífast til að ná aftur fyrri stöðu. Gjörningar Arion bankans eru bara rökrétt framhald þess enda hafa sömu aðilar verið að stjórna bönkunum og spila með stjórnvöld sem ásamt þeim gefa skít í fólkið sem búið er að ræna.. 

Það er heldur enginn framtíðarsýn, enginn marktæk stefnumörkun stjórnvalda, hvað þá framkvæmdir til að koma á siðbót og heiðarleika í þjóðfélaginu.

Það bara verður að gerast ef einhver árangur á að nást.

[Kolbrún Stefánsdóttir, 8.2.2010 kl. 21:41]

Já sæll ! Svo kommentum við gamla fólkið hjá þér með sömu gömlu hlægilegu frasana um hvað þetta sé allt saman dapurt. Vigdís er góðra gjalda verð í sínum heimspekilegu vangaveltum, þó gömul sé og fyrrverandi, en ég held að unga fólkið þurfi bara aga og etv smá hremmingar sem það lærir meira af en eitthverri háskólaumræðu. Kveðja Kolla.