Dagur elskenda

Valentínusardagurinn er að festa sig í sessi á Íslandi og er orðinn hluti af neysluvíagra viðskiptaaflanna.

Á konudaginn kaupir maður angandi blóm en á bóndadaginn súr eistu undan hrútum og úldinn hákarl.

Á Valentínusardaginn fara elskendur út að borða, skiptast á gjöfum og fjárfesta í rafhrókum og öðrum hjálpartækjum lágmarks ástarlífs.

Annars má það ekki minna vera en að elskendur fái einn dag fyrir sig árlega og margar verri hugmyndir hefur mannskepnan fengið en Valentínusardaginn.

Í stað þess að nöldra yfir þessum útlenda sið ættum við að stíga skrefið til fulls og gefa landsmönnum frí á Valentínusardaginn.

Þá gætu elskendur haldið kyrru fyrir í rúmum sínum eins og John Lennon og Yoko Ono gerðu um árið.

Þótt það leiddi til þess að þeir legðu hvorki leið sína í blómaverslanir né besefabúðir myndi það fyrirkomulag leggja grunn að fjölgun landsmanna og þannig örva hagvöxt.

Make love, not war!

Myndin er af nýjasta parinu í bænum.

Athugasemdir

[Vilborg Eggertsdóttir, 13.2.2011 kl. 23:06]

To love oneself is the beginning of a life-long romance.

Oscar Wilde