Á Mörkum

Ég hef í hyggju að birta hér af og til fróðleik um héraðið Marche á Mið-Ítalíu. Þangað fer ég í sumar ásamt 17 öðrum í eins konar safnaðarferð. Mér datt í hug að kalla héraðið Mörk. Ef til vill er til annað íslenskt heiti á þessu svæði. Þætti mér vænt um að heyra af því og allar aðrar upplýsingar um Mörk eru vel þegnar. Samferðafólk mitt í sumar getur hér lesið sér til um áfangastaði og aðrir sem lyst hafa. Nóg er að sjá og skoða á Mörkum. Þar eru merkir sögustaðir, yndislegar strendur, fallegar sveitir og gamlar smáborgir. Meðfylgjandi er mynd sem ég tók á ferð minni um Mörk sumarið 2005.