Assisi

Hápunktur ferðar okkar Akureyringa til Ítalíu næsta sumar verður heimsókn til Assisi, fæðingarborgar heilags Frans. Auk hans ól borgin af sér tvo aðra helga menn, heilaga Klöru og heilagan Gabríel Possenti.

Assisi er raunar ekki á Mörkum heldur í nágrannahéraðinu Umbria. Borgin stendur í hlíðum fjallsins Subasio og þar búa um 30.000 manns. UNESCO hefur borgina á heimsminjaskrá og þangað koma pílagrímar víðsvegar að í stórum hópum.

Meðal merkilegra bygginga eru kirkja heilags Frans, kirkja heilagrar Klöru og kirkja heilagrar Maríu englanna, en inni í henni stendur hin fræga Porziuncula kirkja. Tveir kastalar eru í Assisi. Sá stærri nefnist Rocca Maggiore.

Í jarðskjálftunum miklu árið 1997 urðu mikla skemmdir á Assisi. Viðgerðir á hinum mörgu dýrgripum borgarinnar hófust strax eftir náttúruhamfarirnar en þeim er ekki að fullu lokið.

Athugasemdir

[Einar Ben, 4.3.2007 kl. 11:52]

Mikið held ég að það verði gaman fyrir ykkur norðanmenn að líta á slóðir heilags Frans, saga hans er um margt merkileg og þá ekki síður boðskapur hans um að gleyma sjálfum mér og verða þannig að gagni, að elska í staðinn fyrir að vera elskaður, að fyrigefa frekar en að vera fyrigefið o.s.frv.

kveðja af skaga