Uppskrift að föstudeginum langa

Af því að dr. Gunni orðar það þannig á baksíðu Fréttablaðsins í dag, að á föstudeginum langa megi einungis íhuga krossdauða Jesú Krists, annars verðum við prestarnir brjálaðir, kemur hér uppskrift að því hvernig verja megi þessum degi.

Í fyrsta lagi er upplagt að skella sér á leikritið Ausa Steinberg í Akureyrarkirkju kl. 16. Ilmur Kristjánsdóttir fer þar á kostum og sýningin er einstök upplifun. Smellpassar við föstudaginn langa og á mikið erindi við samtíð, sem ekki hefur einu sinni pláss fyrir þjáninguna einn dag á ári.

Í öðru lagi mæli ég með því að fólk fari á kyrrðarstund við krossinn í kirkjunni að kvöldi föstudagsins langa. Þar les sr. Óskar Hafsteinn píslarsöguna og kór Akureyrarkirkju syngur. Þráinn Karlsson, leikari, flytur sjö orð Krists af krossinum. Stundin byrjar kl. 21.

Ég held að það hafi verið Jón Gnarr sem benti á að föstudagurinn langi hafi verið of langur og því hafi þurft að dægrastytta hann.

Athugasemdir

[Steinunn Helga Sigurðardóttir, 6.4.2007 kl. 08:48]

dásamlegan dag til þín, þess óska ég.

sendi þér ljós héðan frá fallegur vori, þar sem allt er að vakna til lífsins sem merki um það æðra, Líf.

Steina