Hin rétta hæna

Í gamla daga gat maður keypt sér svonefnt "prógramm" með bíómiðanum sínum. Þar var að finna upplýsingar um kvikmyndina sem var verið að sýna og ágrip af söguþræði. Móðir mín á töluvert safn af gömlum prógrömmum og er það mikill fjársjóður. Ég hef verið að skemmta mér við að skoða það og mun á næstu vikum og mánuðum leyfa gestum mínum að njóta þess með mér.

Kvikmyndin "Hermaður boðinn í heimsókn" (Sunday Dinner for a Soldier) var á s ínum tíma sýnd í Nýja bíói. Þetta er "hrífandi kvikmynd frá 20th Century Fox". Leikstjóri er Lloyd Bacon en með aðalhlutverk fara Anne Baxter og John Hodiak.

Söguþráðurinn lofar góðu en í prógramminu er honum m. a. lýst þannig:

"Þeim Tessu og honum lízt strax vel hvoru á annað, og hann sezt til borðs með fjölskyldunni, þótt hann hafi ætlað sér annað. En Mary litla hleypur grátandi upp frá borðinu, því hún heldur að kjötið, sem framreitt er, sé af hænunni sinni. Til vandræða horfir, en þá kemur Agatha með hina réttu hænu og þá rætist úr öllu."