Meira um hin ísmeygilegu stílbrögð

Í færslu minni um blessaðar stofnanirnar hér fyrir neðan minntist ég á hin ísmeygilegu stílbrögð sem hafa alltaf verið töluvert notuð þegar koma á höggi á andstæðinga.

Sá skynsami og vel meinandi sagnfræðingur, Jón Hjaltason, sendi mér áðan vísu sem smellpassar við það sem ég vildi sagt hafa. Giskar hann á að höfundur sé Páll Jónsson Árdal sem átti heima hérna í Innbænum. Vísan er svona:

Viljirðu svívirða saklausan mann,

þá segðu´ engar ákveðnar skammir um hann,

en láttu það svona í veðrinu vaka,

þú vitir, að hann hafi unnið til saka.