Vafasamur ásetningur

Kvikmyndin "Stúlkurnar í Smálöndum" (Flickorna I Småland) er samkvæmt prógramminu  "skemmtileg sænsk sveitalífsmynd, með söngvum".

Hver getur staðist að sjá slíkar myndir?

Söguþráðurinn er þessi:

"Gunnar Carlman er víðförull Svíi, sem hefur lagt gjörva hönd á margt um dagana. Hann kemur heim til Svíþjóðar, eftir að hafa síðast verið kúreki í Vesturheimi. Í Stokkhólmi sér hann auglýsingaspjald með fallegri stúlkumynd og hvatningarorðum til ferðamanna að leggja leið sína til Smálanda."

Hér er í grunninn sama trix og Icelandair notaði á sínum tíma þegar flugfélagið ætlaði að lokka hingað útlenska karlmenn með lausgyrtum Íslandsfreyjum.

Ég leyfi mér altént að efast um ferðaásetning hins víðförula Svía, en læt lesendur dæma um hann eftir þessar yfirlýsingar:

"Gunnar lætur ekki segja þér þetta tvisvar, heldur tekur sér far með næstu lest - til þess að kynnast sveitasælunni."

Athugasemdir

[Jóna Á. Gísladóttir, 7.5.2007 kl. 00:26]

Allt sem ég get sagt (og verð að segja þrátt fyrir atvinnu þína): Hoppsasa pä sengekanten.

[Viðar Eggertsson, 7.5.2007 kl. 00:30]

góður pistill - og jafnvel enn betri athugasemd frá Jóna - allavega toppar hún pistilinn!!!