Tölur um messusókn

Vegna umræðna í athugasemdum við pistilinn minn "Mýtan um tómar kirkjur" hér að neðan birti ég hér tölur um messusókn í Akureyrarkirkju á síðasta ári. Tekið skal fram að þessar tölur hafa áður verið gerðar opinberar.

Á síðasta ári voru 72 almennar guðsþjónustur á sunnudögum og öðrum helgidögum í Akureyrarkirkju. Þá eru ekki taldar með bæna- og helgistundir í kirkjunni né sunnudagaskólar, sem venjulega fara fram í Safnaðarheimili. Tónleikar, ráðstefnur, fundir, námskeið og aðrir viðburðir á vegum kirkjunnar eru heldur ekki með í þessum útreikningum þannig að þessar tölur gefa ekki nema mjög takmarkaða mynd af þátttöku í kirkjulegu starfi í sókninni.

Samkvæmt talningum kirkjuvarða mættu alls 8.474 í þessar 72 guðsþjónustur í kirkjunni eða tæplega 118 að meðaltali.

Flestir mættu í messu á aðfangadagskvöld eða 505. Kvöldmessa á skírdagskvöld fékk lakasta aðsókn en þá var ekki nema 21 sál viðstödd.

Svo er eftir að finna út hvort þetta telst vera góð mæting eða slæm en við sem í kirkjunni störfum erum þakklát fyrir hvern einasta kirkjugest.

Athugasemdir

[Jóna Á. Gísladóttir, 19.5.2007 kl. 00:21]

Hún er glæsileg kirkjan þín Svavar. Ég kem í messu næst þegar ég kem norður. Engin spurning.

[Hjalti Rúnar Ómarsson, 22.5.2007 kl. 04:08]

Samkvæmt þessu mæta að meðaltali ~1,4% sóknarbarna Akureyrarsóknar í almennar guðþjónustur.

Er kórinn talinn með?