Aðalatriði málsins

Aðalhlutverkin í amerísku kvikmyndinni "Ævintýri á fjöllum" (Sun Valley Serenade) voru leikin af snillingunum Sonja Henie, John Payne, Glenn Miller, Milton Berle, Lynn Bari og Joan Davis.

Stundum sér maður ekki fílalortana fyrir tittlingaskítnum eins og sannast í söguþræði þessarar myndar sé mark takandi á prógramminu, en þar segir:

"Ted verður því eigi lítið undrandi, þegar hann hittir Karen á skíðum uppi á háfjöllum og kemst að raun um, að hún er enginn viðvaningur á skíðum, enda þótt hún sé langtum snjallari á skautum."

Athugasemdir

[Jóhann Elíasson, 4.7.2007 kl. 10:25]

Þegar ég var búsettur í Noregi, vegna náms, var þáttur í Norska ríkissjónvarpinu (NRK) sem fjallaði um Sonju Henie og feril hennar, bæði í kvikmyndum og á íþróttasviðinu.  Aðalatriðið í þeirri umfjöllun,fannst mér þá, var að sýna fram á hvað Norðmenn væru "miklir útivistarmenn" og yfir aðra hafnir með það sem þeir taka sér fyrir hendur.  Þarna var að sjálfsögðu talað um þessa mynd en það kom mér svolítið á óvart að leikhæfileikar hennar voru svo sem ekkert lofaðir í hástert.