Heilræði hégómans

Í Verði ljós! - Mánaðarrit fyrir kristindóm og kristilegan fróðleik frá árinu 1896 eru þessi heilræði sem eignuð eru sjálfum Matthíasi Kládíusi:

"Viljirðu koma þjer vel í heiminum, Asmus minn, þá

1. segðu aldrei sannfæringu þína, nema þú sjert áður búinn að kynna þjer skoðun tilheyrenda þinna og sjert nokkurn veginn viss um, að hún komi ekki í bága við skoðun meiri hluta þeirra; -

2. láttu aldrei á þjer heyra, að þjer mislíki háttsemi valdsmanna eða yfirmanna þinna og láttu ekkert tækifæri ónotað til þess að hrósa þeim, ef þú býst við, að það geti borizt þeim til eyrna; -

3. varastu eins og heitan eld, að efast opinberlega um skyldurækni þeirra, rjettsýni og dugnað, enda þótt allur heimurinn sje þjer samdóma um að skeytingarleysi, rangsleitni og dugleysi einkenni alt dagfar þeirra og háttsemi.

Gætirðu als þessa, muntu koma þjer vel í heiminum og öll tignarsæti munu þjer opin standa, en hvort himininn muni taka þjer eins vel eða tignarsæti bíða þín þar, - um það heyrði jeg aldrei talað."

Athugasemdir

[Sigurpáll Björnsson, 10.7.2007 kl. 21:53]

Þetta lífsmottó er enn í fullu gildi get ég sagt þér og margir hafa komist all langt á þessum gildum.