Lygimál

Einn sunnudaginn ræddi presturinn um hinn óttalega en útbreidda löst lygina í stólræðu sinni. Hann hóf hana á þessum orðum:

"Kæri söfnuður! Síðasta sunnudag tilkynnti ég ykkur að ég ætlaði að ræða um lygina hér í dag. Ég bað ykkur að undirbúa ykkur með því að lesa sautjánda kafla Markúsarguðspjalls. Nú langar mig að sjá hverjir urðu við þessum tilmælum mínum. Ég bið þau sem hafa undirbúið sig með því að lesa sautjánda kafla Markúsarguðspjalls að rétta upp hönd."

Á svipstundu varð kirkjan skógur uppréttra handa.

"Ég sé," hélt prestur áfram, "að ekki er vanþörf á að taka þetta efni til umfjöllunar hér í söfnuðinum. Markúsarguðspjall er ekki nema sextán kaflar."

Athugasemdir

[Óli Ágústar (IP-tala skráð) 7.10.2007 kl. 22:07]

Dásamlegt. 

[DoctorE (IP-tala skráð) 8.10.2007 kl. 09:58]

En samt er rökrétt að spyrja í framhaldi af þessu hver lýgur mest, sá sem heldur því fram að bókin sé sönn eða þeir sem ljúga að þeir hafi lesið hana

[Jóhanna Magnúsar- og Völudóttir , 8.10.2007 kl. 16:51]

  Þetta er nú svona frekar hvít lygi, .. fólkið skammaðist sín auðvitað fyrir að hafa ekki lesið heima og vildi halda goodwill hjá prestinum   .. og svo hefur fyrirgefningin auðvitað verið skammt undan!

[krossgata, 8.10.2007 kl. 19:25]

Skemmtilegur.    Enda var ég ekki við þessa guðsþjónustu.