Að gefa það sem maður ekki á

Heilagur Ambrósíus var biskup í Mílanó á 4. öld. Hann var merkilegur maður, m. a. vegna afstöðu sinnar til fátækra og allra veraldarinnar gæða.

Eftir honum er haft:

"Gefir þú fátækum manni

eru það ekki þín eigin gæði

sem gera þig örlátan.

Þú ert að gefa aftur það

sem honum tilheyrir

því þú hefur tekið af því

sem til sameiginlegra nota er ætlað.

Jörðina eiga allir,

ekki bara þeir ríku."

Mósaíkmyndin með færslu þessari er af Ambrósíusi. Hana er að finna í kirkju sem er við hann kennd í Mílanó. Ekki er útilokað að hún hafi verið gerð á hans dögum.

Athugasemdir

[alva (IP-tala skráð) 23.11.2007 kl. 00:38]

Hann hefur já verið góður náungi þessi. Ætli þeir hafi ekki verið sjalgæfir á þessum tíma, í þessari stétt, mennirnir sem vildu rétta úr kútnum hjá þeim snauðu.

[Svavar Alfreð Jónsson, 23.11.2007 kl. 09:15]

Allt gott gerist hægt, Hallgerður, sbr. bók Carls Honoré "In Praise of Slow". Þetta mjakast allt. Svo er ég alls ekki viss um, Alva, að vel meinandi biskupar hafi verið sjaldgæfir á þessum tíma - eða séu það í nútímanum.

[Ásgeir Kristinn Lárusson, 23.11.2007 kl. 12:57]

Fróðlegt er að bera saman uppl. um Ambrósíus, annars vegar á Wikipedia og hins vega á Encyclopædia Britannica (gamla rómverska nafnið ). Það sama gildir um upplýsingar einsog allt annað; sælla er að gefa en að þiggja...

[halkatla, 23.11.2007 kl. 19:04]

meiriháttar svalur gaur