24.12.2007 | 16:34
Við jötu þína, Jesús
Ég sendi öllum lesendum þessarar bloggsíðu
mínar bestu óskir um blessunarríka jólahátíð.
Guð geymi ykkur öll.
![candle2[1]](/users/30/svavaralfred/img/c_documents_and_settings_sunna_my_documents_my_pictures_blogg_2_candle2_1.gif "candle2[1]")
Við jötu þína, Jesús,
ég játa mína trú
á þig sem forðum fæddist
og frelsar hér og nú.
Í þínum opnu augum
er undursamleg þrá
um nokkuð miklu meira
en mannlegt hjarta á.
Þitt hold er bróðir blómsins,
þitt bros er systir mín.
Þú þarfnast móðurmildi
því mennsk er vera þín,
en þó ert þú frá himni
og þú ert sjálfur Guð
og öll þín ár á jörðu
af englum vegsömuð.
Ég ljós á kerti kveiki
og kyrri mína sál.
Ég horfi út í húmið
og heyri englamál.
Ég skynja miklu meira
en mannsins auga sér:
Sú gjöf sem jatan geymdi
er Guð að játast mér.
Svavar Alfreð Jónsson
Athugasemdir
Gleðileg jól.
Sigurður Þór Guðjónsson, 24.12.2007 kl. 16:55
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.