Svavar Alfreð Jónsson

30.5.2008 | 21:53

Talað og hlustað í kross

Í samskiptavísindum tala menn um "seleksjón". Þá er verið að tala um það háttalag mannanna að þegar þeir heyra eitthvað, heyra þeir ekki nema sumt.

Það er nú ekkert smáræði af hljóðum sem til eyrna okkar æðir á hverjum einasta degi. Við yrðum snaróð ef við hlustuðum á þau ósköp öll.

Þess vegna veljum við úr það sem við heyrum, meðvitað en aðallega þó ómeðvitað.

Við heyrum það sem við viljum heyra og helst það sem samræmist sannfæringu okkar og skoðunum.

Hitt er of mikið vesen. Við forðumst að heyra það sem veldur okkur innri spennu.

Tengihópar okkar, fjölskylda, starfsfélagar og vinir hafa áhrif á það sem við heyrum.

Síðast en ekki síst hefur sú mynd sem við gerum okkur af viðmælanda okkar áhrif á það sem við heyrum hann segja.

Næst þegar þú átt í samskiptum við einhvern er gott að minnast þess að þú heyrir ekki nema brot af því sem hann segir og misskilur sennilega stóran hluta þess sem þú þó heyrir.

Og það sama á við um viðmælanda þinn.

Flokkur: Bloggar | Facebook

Athugasemdir

Sæll Svavar. Þetta er afar fróðlegt. Ég hef lent í því að fólk er að misskilja mig og, eins og þú segir, að vitna í eitthvað sem ég hef sagt en kannski bara helminginn. Ég hélt að ég væri etv ekki að tala nógu skýrt. Alltof oft brenni ég mig á því að vera ekki nógu tortryggin og að girða ekki fyrir að fólk snúi útúr máli mínu viljandi. Þessi pistill þinn verður til þess að ég verð líklega umburðalyndari við þetta vesalings fólk . Kveðja til þín Kolla.

Kolbrún Stefánsdóttir, 30.5.2008 kl. 22:10

já, þakka þér fyrir þetta, var alltaf að minnast á þetta við minn fyrrverandi... Hann heyrði alltaf eitthvað allt annað en ég hafði sagt...enda erum við skilin núna, nú skil ég þetta og reyni að stytta mál mitt og hafa það skilvirkara, þá eru minni líkur á misskilningi!!! Frábært þetta - " við heyrum það sem við viljum heyra og helst það sem samræmist sannfæringu okkar og skoðunum "

Þúsund þakkir fyrir þetta, man eftir rannsókn sem var gerð um þetta, var kynnt fyrir okkur lögreglunemum, þegar ég var í lögregluskólanum fyrir löngu, það var afar athyglisverð rannsókn og niðurstöður sláandi...verð að blogga um það bráðlega. Mjög áhugavert það.

Góða helgi, kveðja frá Blönduósi.

alva (IP-tala skráð) 30.5.2008 kl. 23:14

Þetta er gott innlegg í vitnisburði úr biblíunni

DoctorE (IP-tala skráð) 30.5.2008 kl. 23:21

Við eru greinilega með samskonar áhuga á trúmálum DoktorE kæri vinur þó við notum sitthvort orðalagið! fannst þér ég ekki skrifa fallega um þig í gær?

Ég er svona þurs sem heyri hvorki né sé mitt á meðal fólks af því ég held að ég sé að hugsa eitthvað merkilegt. Svo er nútíma áreyti orök fjölda vandamál sem allir verða fyrir..á hverjum einasta degi!Annars er ég með ágætis athyglisgáfu nema ég get ekki munað fæðingardaga neins nema mín eigin, ekki einu sinni barna minna, engin símanúmir og ekki einu sinni tekst mér að muna codan í hraðbankanum. Ég þjáist af alvarlegu tölustafaminnisleysi og það er vandamál með Biblíulestrinum sem ég og DoktorE erum að puða við í sameiningu að lesa og skilja..var þetta ekki alveg leyfilegt djók DoktorE?