Óskrifað blað

Óskrifuð blöð eru skínandi hvít. Maður fær ofbirtu í augun við að horfa á þau.

Ekkert stendur á þeim. Þau eru auð. Þau segja manni ekkert.

Hver vill vera óskrifað blað?

Fólk verður að geta lesið mig. Séð hver ég er. Hverju ég hef áorkað. Hvert ég stefni.

Við rembumst við að vera skrifuð. Bæta einhverju á örkina. Við bloggum okkur gegnum lífið.

Smám saman fyllist blaðið. Engu er við að bæta.

Þá getur verið ágætt að taka upp strokleðrið.

Skoða blaðið. Stroka út það sem ekki á heima þar.

Eyða færslum.

Það er nefnilega ekki svo slæmt að vera óskrifaður.

Það er alla vega miklu meira spennandi að vera óskrifaður en fullskrifaður.

Athugasemdir

[Anna Ragna Alexandersdóttir, 1.9.2008 kl. 09:43]

Það er það sama með myndlistamenn.

[. (IP-tala skráð) 1.9.2008 kl. 20:52]

Ég lít svo á að maðurinn sé eins og náma full af ómetanlegum gimsteinum. Aðeins menntun getur afhjúpað þá og gert mannkyninu kleift að njóta góðs af. Við höfum öll okkar hæfileika og möguleika sem Guðs náð hefur veitt okkur.

Ég held að margt af því slæma sem við sjáum í menntakerfum heimsins sé afleiðing þess að kennarar héldu að þeir sett alla í sama mót - fyllt út blöðin - en þyrftu ekki að hjálpa hverjum og einum af afhjúpa sína gimsteina, sína hæfileika.

En þetta tengist kannski ekki alveg því sem þú varst að segja, mig bara langaði að koma þessu frá mér

Held að það sé rétt að stundum nauðsynlegt að aflæra margt sem manni hefur verið kennt eða sjálfur tekið upp. 

[Óskar Arnórsson, 2.9.2008 kl. 16:33]

Sæll Svavar!

"Við bloggum okkur gegn um lífið" Þú ert nú meiri maðurinn! :) Ég fæ alveg ótrúlegt samviskubit núna yfir að eyða tímanum í blogg. Ég eyddi öllum færslum og byrjaði aftur. Það væri óskandi að maður gæti "eytt hlutum úr förtíðinni" á jafnfaldan máta. Það er svo mikið krass á "mínu blaði" að ég veit varla hver ég, er oft á tíðum. Svo gengur það yfir....

Kær kveðja..   

[Svavar Alfreð Jónsson, 2.9.2008 kl. 22:23]

Mikið er gott að fá klapp á bakið frá þér, Hallgerður. Takk fyrir það og aðrar góðar athugasemdir við þessa færslu. Bestu kveðjur til ykkar allra.

Ég tek undir orð Jakobs.

Hann skrifar athugasemd sem mér finnst miklu betri en færslan....

[Katrín Snæhólm Baldursdóttir, 2.9.2008 kl. 22:27]

....spurning hverju skyldi helst eytt og hverju haldið úr blogginu. Þetta er góð færsla hjá þér og vekur mig til umhugsunar. Það er rétt hjá þér þetta með að blogga fyrir sjálfan sig...sé það þegar ég skoða bloggið mitt langt afur i tímann.

tAkk