Öld myndarinnar

Myndirnar eru ágengar við okkur. Þær heimta af okkur að trúa okkar eigin augum.

Smám saman erum við að týna því sem verið hefur ein af undirstöðum vestrænnar menningar: Hæfileikanum til að vantreysta skilningarvitunum, sér í lagi þeim miklu lygurum augunum, gleypa veruleikann ekki hráan, láta það sýnilega ekki hafa síðasta orðið, heldur brjóta um það heilann, efast um það, hugleiða það og taka persónulega afstöðu til þess, byggða á innsæi og dómgreind.

Sannleikurinn hefur aldrei verið í myndum. Í Gamla testamentinu er sérstaklega varað við því að reyna að gera mynd af Guði; það er raunar harðbannað.

Þar og bæði í arfi grískrar heimspeki og kristinni arfleifð kirkjufeðranna er því haldið fram að sannleikurinn sé andlegs eðlis.

Það sem er satt, er ekki satt af því að þú sérð það eða snertir það, heldur vegna þess að það er satt fyrir þér, vegna þess að það er sannleikur í hjarta þínu.

Athugasemdir

[Svavar Alfreð Jónsson, 10.9.2008 kl. 09:21]

Satt segirðu Hallgerður. Niðurlagið getur orkað tvímælis. Þess vegna íhugum við það og tökum til þess afstöðu, byggða á dómgreind og innsæi.