Brjálæðissjarmi aðventunnar

Enn ein aðventan er byrjuð, enn einn aðdragandi jólanna, þessi tími sem börnunum finnst svo ótrúlega lengi að líða en fullorðna fólkinu þykir þjóta á leifturhraða.

Ótalmörgum verkefnum þarf að ljúka áður en jólin mega koma. Aðventan er annatörn. Þá eru verkin unnin, fjárhúsið smíðað, jatan og jólin sjálf. Ekkert hangs líðst. Dagarnir krefjast sífellt nákvæmara skipulags. Við stynjum af mæði og andvörpum af stressi - en innst inni höfum við pínulítið gaman af öllu saman.

Aðventuerillinn, veltingur milli rekka búðanna, skúringar, þrif á eldhúsinnréttingum, skreytingar, bakstur, matarstúss og jólakortaföndur, svo nokkuð sé nefnt; varla værum við að þessu ár eftir ár ef við sæjum ekkert heillandi við það.

Aðventan getur verið harður húsbóndi. Ég er samt ekki viss um að við vildum gera rótttækar breytingar á henni.

Það er einhver brjálæðissjarmi yfir aðventunni.

Stressið og áhyggjurnar eru forleikur jólafriðarins.

Hinn heili heimur jólaguðspjallsins nýtur sín vel á bakgrunni firrtrar veraldar.

Athugasemdir

[Bögga (IP-tala skráð) 1.12.2008 kl. 01:37]

Sæll Svavar, aðventan er yndislegur tími. þá finnst mér að við fullorna fólkið eigum að vera búin að gera sem mest í Nóvember svo hægt sé að sinna blessuðum börnunum í Desember vera með í gleðinni og Svo að lokum Jólin koma til allra hvort sem húsið er hreint eða ekki. Bara engin má vera einmanna.

[Bögga (IP-tala skráð) 1.12.2008 kl. 02:04]

Vitanlega er gaman að jólast en jóla stress veit ég ekki hvað er.Hef ekki verið alin upp við það. Mér finnst svo gaman að stússast við jólaundir búninginn, ekki nein læti bara gera hlutina að nattni og hafa gaman saman.Hafa kertaljós og hlusta á jólalög og hugsa um boðskap jólana það er stundum sem það gleymist í amstri dagsinns. Njótum á meðan við getum.Gleðilega aðventu.

[Hulda H Ingadóttir (IP-tala skráð) 1.12.2008 kl. 10:49]

Sæll Svavar. Já! Það er nú svo skrítið með þetta jólastress sem allir alla um en svo virðist vera að afar fáir kannist við.  Auðvita hefur fólk mikið að gera en ef litið er yfir söguna þá held ég að lífið sé auðveldara í dag en tildæmis þegar hún mamma mín var ung. Þá var hún húsfreyja á bóndabæ og átti 5 börn. Allir fengu eitthvað fallegt í jólagjöf og var margt af því unnið af hennar höndum og einnig voru jólafötin mín oftast gerð af henni. Því verð ég nú of svo hissa þegar ég heyri fólk tala um jóla annirnar eins og það sé eitthvað nútíma fyrirbær. Ein vikan fyrir jól er nú kölluð "staura vika" og ég held að það máltæki sé nú meira en 200 ára gamlt. Það hefði nú sennilega verið kallað jólastress ef það orð hefði verið til þá.

Ég þakka Guði það að ég skuli vera uppi í dag en ekki fyrir 200 árum síðan. Nýt aðventunnar og jólanna í botn og þríf húsið mitt hátt og lágt með bros á vör og bý mér til fullt af verkefnum sem sennilega hefði mátt gera á ýmsum öðrum tímum ársins en einmitt svona vil ég halda jól! Megið þið öll eiga gleðilega jólahátið með öllum þeim önnum og hefðum sem henni fylgja.

 Hulda 

[Anna Ragna Alexandersdóttir, 1.12.2008 kl. 14:46]

[Sigurður Þór Guðjónsson, 1.12.2008 kl. 15:34]

Í hvert sinn sem aðventan hefst byrja ég að hlusta á kirkjukantötur Bachs sem samdar eru við hvern helgidag ársins, stundum margar fyrir hvern dag sem varðveist hafa. Ég hlusta svo á viðkomandi kantötur á réttum degi. Ef hann fellur út af einhvejrum ástæðum tek ég í það annan dag. Þessum sið hef ég fylgt árum saman, að hlusta á allar kantöur Bachs á réttum dögum. Ég á þær líka langflestar á nótum í fullri raddskrá.    

[Sigurður Þór Guðjónsson, 1.12.2008 kl. 15:35]

Já, ég gleymdi að taka fram að þetta er alveg brjálæðisleg músik! 

[Svavar Alfreð Jónsson, 1.12.2008 kl. 17:12]

Bach bregst ekki.

[Brattur, 1.12.2008 kl. 22:29]

... kúnstin er að njóta undirbúnings jólanna... byggja jólin upp hægt og rólega og gefa sér tíma, nú ef það er svo eitthvað sem ekki næst að klára fyrir jól, þá gerir það bara ekkert til...

[Hallgerður Pétursdóttir (IP-tala skráð) 2.12.2008 kl. 09:32]

Maður þarf að vera á eintali við sálina á hverjum degi. Því vaninn er harður húsbóndi. Og auðveldast er nú að gera það sem maður kann, þó það sé rangt!. En-dropinn holar steininn.

[Jóhann G. Frímann, 2.12.2008 kl. 17:50]

Takk fyrir góða hugleiðingu og amen á eftir efninu.