Afturenda snúið að friðarboða

Æðstu embættismenn þjóðarinnar eru hræddir við að hitta friðarboðann Dalai Lama.

Sagt er að þeir séu hræddir við Kínverja.

Auðvitað eru þeir ekkert hræddir við Kínverja.

Ég er viss um að þeir hefðu ekki hræðst Kínverja ef Kína væri ekki talinn mikilvægur markaður.

Þeir hagsmunir eru látnir ráða - í þessum efnum sem öðrum.

Þannig var þetta hér í aðdraganda hrunsins og það hefur lítið breyst.

Við erum ofurseld valdi kapítalismans og peninganna.

Það sést glögglega á því hvernig ráðamenn þjóðarinnar taka á móti Dalai Lama.

Um leið og þeir hneigja höfuð sín fyrir peningavaldinu sýna þeir Dalai Lama á sér óæðri endana.

Myndin: Þessar hófsóleyjar brostu til okkar göngufélaganna á leið okkur niður með Gleránni í gær.

ES

Ég verð ekki mikið við tölvuna næstu daga. Bloggið verður sennilega stopult á meðan.

Athugasemdir

[Matthías Ásgeirsson, 1.6.2009 kl. 14:24]

Svona svipað og þú sýnir okkur trúleysingjum reglulega óæðri endann.

[Sigurður Þór Guðjónsson, 1.6.2009 kl. 15:18]

Bæði trúmenn og trúleysingjar ættu þó að geta sótt fyrirmynd í Dalai Lama um það hvernig koma á vel fram við fólk.

[Jón Steinar Ragnarsson, 1.6.2009 kl. 21:39]

Góði Svavar, farðu nú ekki að taka undir hræsni þessara stofukomma og sjálfsupphafinna rómantíkera, sem hafa ekki hugmynd um hvernig Tibet var fyrir !959.

Þessi Lami var nú svo frægur að gera samkomulag við Mao árið 1951 til að tryggja viðkomu aðalsins í Tibet. Hann flýði síðan, þegar Kínverjar yrjuðu umbætur þarna, en þarna voru 90% þjóðarinnar þrælar, sem lifðu á steinaldarstigi, söluvara aðalstéttar trúræðisins, sem meðal annars stundaði mannfórnir. Fæstir Lamar af forverum hans utan þess síðasta náðu tvítugu, því séð var um að þeir hyrfu um leið og vitið settist að.

Tibet hefur aldrei verið sjálfstætt og allt tal um frelsun Tibet er hræsnin ein. Þetta er eins og að taka á móti Mulla Omar og berjast fyrir að Talibanar hljóti völd að nýju í Afganistan.

Þessi karlprumpur er heigull uog hræsnari af verstu sort. Ég er ekkert að mæla Kínverjum bót, en það sem eðlilegast væri er að karafa sé gerð um lýðræði. Það verður þó aldrei, því voldugasta þjóð heims heldur því fram réttilega að Tibet hafi alltaf verið hluti af kína. Núu fyrst hafa verið reistir skólar, vegir byggðir og heilsugæsla í boði. Áður var ungbarnadauði á bilinu 40-50%

Ertu að verja þetta þér til upphafningar eða af fáfræði einni?

Hérna er smá greinarkorn, sem stiklar á stóru um þessa sögu.  http://www.michaelparenti.org/Tibet.html

[Guðjón Torfi Sigurðsson (IP-tala skráð) 2.6.2009 kl. 09:22]

Af hverju ættu embættismenn þjóðarinnar að hitta mann sem kemur ekki til landsins í opinbera heimsókn? Er þetta ekki viðskiptaheimsókn Dalai Lama, þ.e. það er borgað undir hann hingað og hann verður með fyrirlestra á landinu.

[Jónas Sigurðarson (IP-tala skráð) 2.6.2009 kl. 21:01]

Undilæjuhátturinn fyrir græðginni á sér engan enda, sama þó menn kenni sig við félagsyggju.

Dalai Lama er sennilega ásamt Nelson Mandela jafn merkilegur maður og höfundar helstu trúarbragða jarðarbúa.

Ávalt tilbúinn til fyrirgefningar og fyrstur til að játa mistök sín.

Íslendingar ættu að skammast sín fyrir alla sína stjórnmálamenn.