Sumir mega ekki tala

Mál málanna í dag er ekki Icesave.

Mál málanna er það sem Davíð Oddssyni finnst um Icesave.

Undanfarið hef ég lesið fjölda greina eftir gamla refi úr pólitíkinni, vinstri menn og hægri menn, sem hafa fjallað um Icesave.

En þegar Davíð Oddsson tekur til máls virðast sumir tryllast.

Ummælamet eru slegin á Eyjunni.

Viðtalið er í Mogganum í dag en nú þegar hafa fjölmiðlamenn skrifað helling af greinum gegn Davíð. Sumar með persónulegu skítkasti eins og við var að búast.

Ég er ekki búinn að lesa viðtalið en viðbrögðin eru dæmi um þöggunina sem er í gangi í samfélaginu.

Hér leyfast helst ekki nema sumar skoðanir.

Í morgun las ég blogg reynds fjölmiðlamanns.

Sá er ekkert að skafa utan af því.

Davíð á ekki að opna á sér túlann, segir þessi málsvari lýðræðislegrar umræðu á Íslandi.

Að sjálfsögðu er málfrelsið á Íslandi ekki fyrir alla.

Og ábyggilega verð ég sakaður fyrir Davíðsdýrkun fyrir að halda þessu fram.

Enda ætla ég að flýja bæinn og fjölmiðlana.

Næstu vikuna dvelst ég á Vestmannsvatni.

Vestmannsvatn er í Aðaldal í Suður-Þingeyjarsýslu.

Þar er ég í paradís á jörð.

Með gönguskóna, veiðistöngina, myndavélina og gítarinn.

Og til að fullkomna glæpinn er ekki loku fyrir það skotið að einhverju verði hent á grillið um helgar.

Myndin er frá Vestmannsvatni.

 

Athugasemdir

[Halldóra Lára Ásgeirsdóttir, 5.7.2009 kl. 18:11]

Sæll vinur!

Ég er svo sammála þér.

Guð veri með þér og þínum.

[Sigurður Þórðarson, 5.7.2009 kl. 23:10]

Sæll Svavar, Loftur fagnaði sínum gamla formanni og uppskar alskyns viðbrögð

[Magnús Geir Guðmundsson, 6.7.2009 kl. 01:47]

Sæll Svavar minn!

SEint verður því logið upp á þig, að þú takir ekki málstað LÍTILMAGNANS, eins og þitt stóra kall boðar að þú gjörir!

En gallin er bara sá nú, að málstaður þess manns sem hér á í hlut, er öngvum til hnjóðs eða skaða nema honum sjálfum!Þú gerir honum því lítin greiðan með þessum línum og alls ekki með þeim hætti að votta honum samúðar vegna ósanngirni til tjáningar í hans garð!

Þar hittir þú hann nefnilega sjálfan helst fyrir!

Vandamál þessa manns eru allt önnur og stærri, þú ættir miklu frekar að huga af þeim heldur meintum skorti hans á tjáningarfrelsi!

[Kristbjörn Árnason, 6.7.2009 kl. 09:49]

Sæll Svavar!

• þetta virðist vera útbreiddur misskilningur.  Vinstri menn vilja að Davíð tali sem oftast og áskilja sér þá rétt til þess að halda hátíð. Það eru einmitt gömlu flokksfélagar hans sem vilja að karlinn haldi kjafti fyrir lífstíð.

• Þú hefur væntanlega séð flottu heilsíðuauglýsingu Sjálfsstæðisflokksins nú í vor þegar þeir auglýstu 80 ára afmæli flokksins. Þá fóru þeir þá leið að minnast ekkert á gömlu formennina. Væntanlega vegna þess, að þeir hafa talið að það myndi skaða ímynd flokksins

 

[Auðun Gíslason, 6.7.2009 kl. 10:32]

Vandamálið er ekki að Davíð tali.  Vandamálið er að hann fer rangt með staaðreyndir málsins!