Prestur í pólitík?

 

Vinur minn spurði mig nýlega að því hvort ég væri á leiðinni í pólitík.

Orsök spurningarinnar var sú að bloggpistill sem ég ritaði nýlega vakti athygli (Réttlætið kemur þeim ekki við). Hans var getið í leiðara Morgunblaðsins og í hann vitnað í svæðisútvarpinu hérna fyrir norðan.

Óskar Þór Halldórsson hafði auk þess við mig örlítið viðtal í tilefni skrifanna sem hljómaði hlustendum svæðisútvarpsins.

Ég held að athyglin sem pistillin fékk stafi af því að þar segi ég hluti sem mjög margir eru að hugsa.

Pistillinn var kannski pólitískur í víðasta skilningi þess orðs en hann var ekki flokkspólitískur. Ég hef fengið mjög jákvæð viðbrögð við honum frá fólki úr öllum flokkum.

Þetta er nefnilega ekki bara spurning um hægri eða vinstri og ég held að fólk sé orðið þreytt á þessum flokkspólitíska skotgrafarhernaði sem alltof lengi hefur viðgengist hér á landi.

Þetta er ekki síður spurning um siðferði.

Þegar ég á sínum tíma tjáði mig um eiturlyfja- og skemmdarverkahátíðina sem efnt var til hér á Akureyri margar verslunarmannahelgar í röð fékk ég mikinn stuðning úr öllum flokkum.

Og þau græðgisöfl sem þar voru að verki áttu sér talsmenn í ólíklegustu hornum.

Ég held að þjóðin hafi aldrei haft meiri þörf fyrir það að heiðarlegt, sanngjarnt og réttsýnt fólk, hvar í flokki sem það stendur, sameinist um að hreinsa og endurreisa landið.

Ærlegar manneskjur er hægt að finna í öllum flokkum og lýðskrumararnir leynast líka víða.

Myndina tók ég um daginn inn í öndvegi íslenskra dala.

Athugasemdir

[Jón Steinar Ragnarsson, 7.11.2009 kl. 11:05]

"..lýðskrumararnir leynast líka víða."

Og ekki er prestastéttin undanskilin  þar.

[Jón Steinar Ragnarsson, 7.11.2009 kl. 11:41]

Enn opnar Biskupinn a sér þverrifina t.d.oghægir sér yfir vammlaust fólk:

"Þrátt fyrir þau áföll sem þjóðarbúið og ríkissjóður verður fyrir, erum við enn vellauðug sem þjóð. Við erum ekki á vonarvöl. Við búum við auðsældarkreppu, munaðarkreppu."

Hann hefur sagtþetta áður við lítnn fögnuð. Hann lætur samt ekki segjastog grýtir úr glerhöllinni eins og ekkert hafi í skorist.  Algerlega út tengslum við fólkið í smafélaginu.

Gratúlera með forstjórann Svavar. Ekki amalegt að eiga slíkan að.

[Svavar Alfreð Jónsson, 7.11.2009 kl. 14:04]

Prestastéttin er að sjálfsögðu ekki undanskilin, Jón Steinar. Né heldur hin nýja stétt bloggara.

[Jón Steinar Ragnarsson, 7.11.2009 kl. 15:32]

".Né heldur hin nýja stétt bloggara. "

...Sem við tilheyrum væntanlega báður.

[Sigurður Þór Guðjónsson, 7.11.2009 kl. 16:58]

Þessi réttlætispistill þinn er alveg stórfínn.

[Svavar Alfreð Jónsson, 7.11.2009 kl. 17:07]

Og þar er ég þér fremri, Jón Steinar, að ég tilheyri báðum lýðskrumarastéttunum, prestunum og bloggurunum.

[Árni Gunnarsson, 7.11.2009 kl. 17:13]

Allt lífið hefur pólitískt innihald og hver dagur er margar spurningar sem þarfnast pólitískra svara. Pólitík er boðuð í stjórnmálaflokkum en fæstir þeirra sem hafa slíka pólitík að atvinnu eru sjálfum sér samkvæmir frá degi til dags. Sá kirkjunnar þjónn sem hræðist pólitíska afstöðu til samfélagsins er líklegur til vinsælda hjá flokkspólitísku fólki. En sem boðberi kærleikans er hann ámóta gagnlegur og geldingur sem leiddur væri út til að fylja meri..

[Svavar Alfreð Jónsson, 7.11.2009 kl. 17:16]

Þakka þér, Sigurður Þór, og Árni hittir naglann.

[DoctorE (IP-tala skráð) 7.11.2009 kl. 18:12]

Hvað segið þið er verið að skora á mig að fara í framboð, þið vitið öll hversu mikið óþol ég hef fyrir lygum og svínaríi :)

[Jón Steinar Ragnarsson, 7.11.2009 kl. 18:20]

Jamm,en ég veg það upp með að starfa við auglýsinga og kvikmndagerð. Er ekki lífið merkilega tvíeggjað.

[Jón Steinar Ragnarsson, 7.11.2009 kl. 18:27]

Annars eiga prestar fullt erindi í pólitíska orðræðu. Allavega ekki síður en aðrir. Þeir geta fylgt hlutlausu mati á jafnræði og réttlæti, eins og þeim er uppálagt að mestu. Þar er af nógu að taka. Þeir mega líka vera á móti evrópubandalagsaðild, því sjálfstæði og fullvelldi er jafnréttis og réttlætismál, svo ekki sé minnst á að stefna EU í trúmálum er secular og það verður sótt hart í fyllingu tímans, trúðu mér.

(í þessu fælist hinsvegar þversögn, ef það væri forsenda andstöðunnar, því aðskilnaður ríkis og kirkju er fyrst og fremst jafnréttis og réttlætismál. En...what the heck...ég er í góðu skapi í dag)

[Flosi Kristjánsson, 7.11.2009 kl. 21:07]

Það hendir menn að segja skoðun sína á málum samtímans, eins þó þeir séu geistlegir.

[Sigurður Þórðarson, 8.11.2009 kl. 02:41]

Árni þú ert kjarnyrtur að vanda. Flestir nýtast á fleiru en einu sviði. Svarar er góður ljósmyndari og sjálfsagt ágætis prestur en ég myndi líka vilja fá hann í pólitík og myndi að óbreyttu kjósa hann ef hann yrði í framboði í Rvk norður.

[Islendingur (IP-tala skráð) 8.11.2009 kl. 10:28]

Godann daginn Svavar.

Thakka kaerlega thennan goda pistil, og einnig thessa fallegu mynd sem fylgir.

Ja eg er svo sannarlega sammala ther ad thetta er öndvegi íslenskra dala.

Thad var aldeilis ad thu rumskadir vid folki med thessum pistli :-)

Margir svara og gaman er ad lesa oll thessi svor og allar thessar skodanir.

Bestu kvedjur og "You made my day" :-)