Máttur dömubindaauglýsinganna

Dömubinda- og klósetthreinsispistillinn eftir Davíð Þór á bakhluta Fréttablaðs dagsins minnti mig á örlitla sögu.

Einhvern tíma var ég að taka bensín úti í Ólafsfirði sem í sjálfu sér er ekki í neinar frásögur færandi - nema þá kannski þessa.

Að aflokinni vel heppnaðri og einstaklega ánægjulegri dælingu gekk ég fyrir bensínkallinn með mín veski og kort.

Meðan við bíðum bljúgir eftir heimild upphefst þessi líka gegndarlausa dömubindaauglýsing í sjónvarpsgarmi yfir höfðum okkar beggja.

Við látum hana yfir okkur ganga enda var heimild að berast.

Það passar líka að þegar ég er búinn að greiða fyrir bensínið er auglýsingunni lokið og ég get ekki stillt mig um að segja við bensínmanninn þessi spaklegu orð:

"Þetta eru nú meiri auglýsingarnar þessar dömubindaauglýsingar."

Hann leit upp yfir búðarborðið og gleraugun sín og sagði djúpri og stilltri röddu:

"Satt segirðu og ég skal segja þér að mig er farið blóðlanga svo til að prófa að ganga með þetta..."

 

Athugasemdir

[hordur torfason (IP-tala skráð) 30.3.2008 kl. 19:35]

Takk fyrir að langan og gleðiríkan hlátur  

[Aida., 30.3.2008 kl. 19:59]

Góður þessi!

[Óskar Arnórsson, 30.3.2008 kl. 20:41]

hehe..mikill er máttur auglýsinga segji ég nú bara! Ætli það sé ekki lúxustollur á þeim eins og á skeinipappír, en engir tolar á Rolex..

[Jóna Á. Gísladóttir, 31.3.2008 kl. 12:58]

hahaha  - Stay-free

[M, 31.3.2008 kl. 20:51]

Láttu það bara eftir þér

[Þorsteinn Gunnarsson, 1.4.2008 kl. 01:11]

Kv. í Heiðardalinn

[Magga Sigurjóns (IP-tala skráð) 1.4.2008 kl. 13:12]

Ha ha, kall greyið, hann hefur vantað öryggistilfinninguna.