Bloggpása

Á morgun liggur leiðin á Suðurnes og um hádegisbil á mánudag (12. 3.) fljúgum við félagarnir til Lundúna. Þar verður tekin fyrsta lest til Salisbury, því um kvöldið byrjar námskeiðið okkar, "The Spanish Mystics". Hinir fróðleiksþyrstu ferðalangar eru auk mín þeir sr. Óskar Hafsteinn og sr. Leifur Ragnar, monsignor Patreksfjarðar og nærliggjandi byggða. Skólinn okkar ytra nefnist Sarum College, símenntunarmiðstöð ensku biskupakirkjunnar.

Að afstöðnu námskeiði hittum við klerkar spúsur okkar í Lundúnaborg og ætlum að skoða okkur um í borginni fram á sunnudag. Erum búin að kaupa okkur miða á Blue Man Group, sem ku vera skemmtilegt.

Óskar Hafsteinn stakk upp á því að maddömurnar kæmu út klæddar upphlutum en við tækjum á móti þeim á flugvellinum hempuskrýddir með tár á hvörmum. Fékk tillagan dræma undirtekt.

Vegna þessa brölts okkar félaganna verður ekkert bloggað hér næstu vikuna.

Athugasemdir

[Baldur Kristjánsson, 12.3.2007 kl. 19:53]

Gangi ykkur vel, felagar.