Give me a fortress to win!

Kvikmyndin Brugðin sverð (Crossed Swords) var sýnd í Trípolíbíói. Engir aukvisar fóru þar með aðalhlutverk. Annars vegar gamli skúnkurinn Errol Flynn og hins vegar þokkadísin Gina Lollobrigida ("Italy´s Marilyn Monroe" segir í kynningu). Á prógramminu er mynd af errolnum mundandi brandinn með yfirskriftinni:

"Give me a fortress to win and a wench to woo - and I´ll make history" sem mætti þýða "Færðu mér virki að vinna og sprund að biðla til og ég kemst í sögubækurnar".

Er það ekki allkarlmannlega mælt?

Inni í prógrammi stendur:

"SAGAN:

Í hinu litla hertogadæmi Sidona á Ítalíu (á miðöldum) hefur verið ákveðið, að sérhver maður, sem náð hefur 20 ára aldri, verði að kvænast.

Að öðrum kosti verði honum varpað í fangelsi og eignir hans gerðar upptækar."

Þetta er upphaf hinna æsilegustu atburða þótt einhver kynni að segja að aðeins blæbrigðamunur væri á þessum afarkostum en ekki eðlis.

Athugasemdir

[Jóna Á. Gísladóttir, 4.6.2007 kl. 01:00]

Er presturinn sjálfur að líkja hjónabandi við fangelsi

[Svavar Alfreð Jónsson, 4.6.2007 kl. 16:40]

Hvers konar hjónaband ætli það sé sem maður er neyddur í?

[Jóna Á. Gísladóttir, 5.6.2007 kl. 22:02]

Fangelsi!