Ókeypis skeinipappír

 

Fréttablaðið gumar af því að vera stærst á Íslandi. Ekkert blað sé meira lesið en það.

Þá er það yfirleitt ekki tekið fram að blaðinu er dreift ókeypis inn á heimili á stærstu þéttbýlisstöðum landsins. Annars staðar liggur það fyrir fótum hunda og manna í þjóðbrautum og býður upp á að láta taka sig fyrir ekki neitt.

Ef einni tegund klósettpappírs væri dreift ókeypis inn á heimili landsmanna yrði hún ábyggilega meira notuð en aðrar.

Þrátt fyrir að Fréttablaðið komi líka frítt inn á heimilin.

Fréttablaðið er samt ekki ókeypis frekar en aðrir fjölmiðlar. Það kostar að búa það til og dreifa því. Peningarnir sem fara í Fréttablaðið koma ekki frá áskrifendum.

Ef lesendum líkar ekki Fréttablaðið dugar ekki að segja því upp. Það er ekki hægt. Fréttablaðið er að því leyti ekki háð lesendum.

Það er háð þeim sem auglýsa í því og láta það fá pening. Og þeir sem fjármagna Fréttablaðið vilja auðvitað fá eitthvað fyrir sinn snúð. Fréttablaðið er að þjóna þeim miklu fremur en lesendum.

Um páskana var Fréttablaðið með sérstakt kirkjublað. Fulltrúi blaðsins hringdi í mig og bauð mér viðtal.

Fyrir það varð reyndar að borga nokkra tíuþúsundkalla.

Sérstaklega var tekið fram að Biskupsstofa ætlaði að vera með.

Þannig er Fréttablaðið. Þar eru viðtöl við þá sem eru tilbúnir að taka upp veskin sín.

Hinir sem eru auralausir eða tíma ekki að eyða pening í Fréttablaðið fá hvorki mynd af sér í það né viðtöl.

Þeir eru eiginlega ekki til í þessu stærsta blaði á Íslandi.

Myndin: Glæsilegt flug þrátt fyrir bágt ástand á fjölmiðlum landsins.

Athugasemdir

[Islendingur (IP-tala skráð) 17.5.2011 kl. 15:28]

Thakka godann pistil, en thu segir ekki hvort thu forst i vidtal eda ekki.

Bestu kvedjur.

[Svavar Alfreð Jónsson, 17.5.2011 kl. 15:33]

Sæll! Þú sérð ekki Fréttablaðið þannig að ég verð að ljóstra því upp hér að ég afþakkaði boðið um að láta söfnuðinn borga fyrir viðtal við mig.

[Elfar Logi Hannesson, 17.5.2011 kl. 19:50]

ég misti allt álit á Fréttablaðinu þegar þeir hættu að dreyfa því hér fyrir vestan en viku síðar buðu þeir það til kaups og gera það víst enn, það finnst mér bara fáranlegt og ekki ólíklegt að ristjórnastefna þess sé af svipuðum toga

[Jón Steinar Ragnarsson, 17.5.2011 kl. 22:55]

Ólafur Stephensen þrætir fyrir að hafa ætlað að haf peninga af eiganda Veiðihússins í dag. Segir það hafa verið auglýsingadeildina að bjóða umfjöllun í sérblaði og það sé ekki að marka.

Það er því ágætt að þú staðfestir hér að hann er lygalaupur, prestsonurinn sjálfur.

[Gylfi í Símabæ (IP-tala skráð) 17.5.2011 kl. 23:17]

Símabærinn minn fékk tilboð um "viðtal" á heilsíðu eða hálfsíðu í Fréttablaðinu en það átti að fjalla sérstaklega um rafeindageirann í téðu blaði.

Mér fannst þetta sérlega ósmekklegt og rýra gildi blaðamennsku svo ég áframsendi meilinn á RUV og MBL og spurði hvort það væri ekki fréttaefni að fréttir væru til sölu og nú gæti maður keypt sig áfram fréttnæman einstakling sem hefði frá einhverju merkilegu að segja.

Ég fékk ekkert svar.

Enda hefur þjóð vor takmarkað verðskyn og greiðir heimsins hæsta vöruverð og fjölmiðlar dansa sem gleðikonur í kringum verslunina í landinu á meðan neytendaumræðan sefur þeim svefni sem fjölmiðlarnir setja henni.