Helgin eftir Helgina

Ég er búinn að vera að blogga mikið um verslunarmannahelgina. Nú hætti ég því í bili. Þess í stað ætla ég að skrifa örlítið um helgina eftir verslunarmannahelgina, sem er auðvitað löngu hætt að vera frídagur verslunarmanna. Nær væri að tala um verslunardag frímanna, eins og ágætur bloggari hefur bent á.

Núna, um helgina eftir verslunarmannahelgi, eru tveir stórviðburðir. Úti á Dalvík er hinn mikli Fiskidagur. Frábært framtak og allt til fyrirmyndar á Böggvisstaðasandi. Vonandi tekst hinum alræmdu bæjarhátíðarbullum, sem Hjöri á Tjörn kallar réttilega svo, ekki að skemma þennan gimstein. Lifi Fiskidagurinn!

Fyrir sunnan fer fram gleðigangan geipræd. Ég veit að nokkrir kollegar ætla í gönguna með kollar og allt. Því miður kemst ég ekki en samgleðst hommum og lesbíum á þessum degi. Til hamingju með daginn!

Bæði samkynhneigðir og Dalvíkingar geta borið höfuðið hátt þessa helgi.

Að ég tali nú ekki um ef maður er samkynhneigður Dalvíkingur.

Athugasemdir

[Jói Jóns (IP-tala skráð) 11.8.2007 kl. 22:43]

Skinn heilagur prestur dásamar brot á landslögum og öfguggahátt,ekki færi ég í kirkju hjá svona hræsnara,sem brýtur sem flest boðorð guðs.
Megi hann missa brauð og kjól

[kristin jonsd (IP-tala skráð) 12.8.2007 kl. 12:08]

óendanlega fyndin grein, sér í lagi niðurlag hennar!!