22.5.2007 | 23:11
Mesti taugaæsingur kvikmyndasögunnar?
Að þessu sinni kíkjum við í prógramm myndarinnar "Myrkvaða húsið" með þeim Glenn Corbett, Patricia Breslin og Lean Arless í aðalhlutverkum. Það hlýtur að hafa kostað einhverja nagsentimetra af nöglum að horfa á þá mynd og lokamínútur hennar hafa verið hrikalega óvæntar og spennandi því á forsíðu prógrammsins er þessu beint til áhorfenda:
"Það eru vinsamleg tilmæli að bíógestir segi ekki öðrum frá endi myndarinnar - og víst er að enginn mun geta setið kyrr í sæti sínu síðustu 15 mínúturnar.!"
Leikstjórinn virðist þó hafa fengið einhverjar áhyggjur af því að hugsanlega hafi hann farið yfir mannúðleg spennumörk í myndinni. Inni í prógrammi er söguþráðurinn rakinn, eins og lög gera ráð fyrir, en skyndilega er því hætt og eftirfarandi varnaðarorð gefin (með stóru letri):
"Á þessu augnabliki biður leikstjórinn þá bíógesti sem ekki þora að horfa á endirinn, að ganga út úr salnum, og gefur til þess eina mínútu - áður en Miriam opnar hurðina."
Athugasemdir
Það er ekki hægt að segja annað en að margt hafi breyst í markaðssetningunni. ;o)
Jóna Á. Gísladóttir, 25.5.2007 kl. 00:55
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.