8.7.2010 | 18:11
Skuldbindingafælni eða gætni?
Skuldir eru einhverjar tærustu skuldbindingar sem um getur.
Íslendingar skulduðu helling fyrir hrun. Bæði heimili og fyrirtæki.
Þeir voru skuldbundnir í bak og fyrir.
Það var að margra mati ein orsök hrunsins.
Ekki eru þó allir á því.
Þótt Íslendingar séu nú um stundir ein skuldugasta þjóð í heimi telja sumir að hún þurfi endilega að taka á sig enn meiri skuldir.
Sá var boðskapur hádegisfrétta RUV í dag.
Samkvæmt þeim er svokölluð skuldbindingafælni eitt helsta mein þessarar ofurskuldugu þjóðar.
Aðrir benda kannski á að Íslendingar hafi verið óþarflega djarfir og sólgnir í að skuldbinda sig.
Er sú skuldbindingafælni sem felst í því að vilja ekki borga skuldir fyrir aðra og taka ekki hærri lán en maður sér fram á að geta borgað kannski bara gömul og góð gætni eftir allt saman?
Myndin: Hraundrangi frá hinni hliðinni
Athugasemdir
Góður sem fyrr!
Dingli, 9.7.2010 kl. 07:57
Godann daginn Svavar.
Thakka godann pistil og eins og venjulega, vel ad ordi komist.
Sem Islendingur, lengi busettur erlendis, hef eg oft rekid mig a thessa skuldbindingafœlni hja landanum og furdad mig a.
Falleg og god mynd, eins og alltaf hja ther.
Bestu kvedjur.
Islendingur (IP-tala skráð) 9.7.2010 kl. 10:14
Skoðaðu þetta:
Hversu slæmt væri, ef Ísland færi í greiðsluþrot? Spurning sem vaknar aftur, þegar á ný er útlit fyrir hrun bankakerfisins!
Kv.
Einar Björn Bjarnason, 9.7.2010 kl. 12:40
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.