Guðsbarn burstar í sér tennurnar

Í fyrramálið þegar þú stendur fyrir framan spegilinn:

Þú ert órakaður - eða ósnyrt og ótilhöfð. Kannski áttirðu erfiða nótt? Varð þér ekki svefnsamt út af áhyggjum?

Augun eru blóðhlaupin og hrukkurnar dýpri en nokkru sinni áður. Þér líst ekkert á það sem þú sérð. Þú vildir vera einhver annar, ekki þú, með þitt líf, heldur einhver sem á betra líf og er betri manneskja en þú.

Mundu þá að þú ert meira en þessi blóðhlaupnu augu og þetta hrukkótta andlit, þessir sáru og slöppu vöðvar, þessi þreytti kroppur og þessi friðlausa sál.

Mundu þá að þú ert barn Guðs. Verksummerki hans eru í þér. Þú ert af himnesku bergi brotinn og þangað stefnir þú. Þú ert meira en þú ert.

Athugasemdir

[Vilborg Eggertsdóttir, 2.10.2007 kl. 23:41]

- You are God, get over it! - bók rituð af Story Waters, hm, mæli með henni.

[Matthías Ásgeirsson, 2.10.2007 kl. 23:50]

Var Hitler barn Gvuðs?

[Matthías Ásgeirsson, 3.10.2007 kl. 09:24]

Þannig að Hitler var barn Gvuðs sem brást rangt við syndinni!

Hvaða synd þá?

[Svavar Alfreð Jónsson, 3.10.2007 kl. 12:23]

Ætli Hitler garmurinn hafi nokkuð munað að hann er meira en hann er? Hann trúði jú bara á náttúrulögmálin.

[Hjalti Rúnar Ómarsson, 3.10.2007 kl. 17:23]

Hann trúði jú bara á náttúrulögmálin.

Virkilega? Hvernig veistu það?

[Matthías Ásgeirsson, 3.10.2007 kl. 19:17]

Láttu ekki svona Hjalti, Hitler trúði bara á náttúrulögmálin vegna þess að hann var vondur trúleysingi eins og við í Vantrú.

Hann var vondur trúleysingi eins og við í Vantrú vegna þess að hann trúði bara á náttúrulögmálin.

Þetta er víst einhver prestalógík sem Svavar Alfreð er að þróa. 

[Brynjólfur Þorvarðsson, 3.10.2007 kl. 23:09]

Eitthvað orsakasamhengi hlýtur að vera til staðar - ég trúi bara á náttúrulögmál, fer ég ekki bráðum að drepa fólk?

[Hlynur (IP-tala skráð) 4.10.2007 kl. 02:21]

Hver er þessi Matthias Ásgeirsson sem ég rekst svo oft á þegar ég skoða síður sem tengjast trúmálum? Hverrar trúar er hann?

[Matthías Ásgeirsson, 4.10.2007 kl. 09:54]

Hlynur, af hverju ertu að spyrja?  Með því að smella á nafnið mitt getur þú fengið meira en nóg af upplýsingum um mig.

Ég virðist vera Hitlerstrúar ef eitthvað er að marka Séra Svavar Alfreð Jónsson - varla lýgur hann.

[Matthías Ásgeirsson, 4.10.2007 kl. 11:55]

Hver er svo þessi Hlynur eiginlega?

[Haukur Viðar, 4.10.2007 kl. 18:09]

Þú ert nokkuð gefinn fyrir það að leggja mönnum orð í munn kæri Matthías.