Góðar fréttir

Í hádegisfréttum útvarpsins nú áðan heyrði ég haft eftir Gylfa Zoega, hagfræðingi, að samstarf íslenskra stjórnvalda við Alþjóðagjaldeyrissjóðinn væri þegar byrjað að bera árangur. Það eru góðar fréttir.

Fyrir rúmum mánuði var sendinefnd frá sjóðnum á Íslandi að kanna gang efnahagsmála. Niðurstaða hennar var að áætlun sjóðsins og stjórnvalda gengi vel. Talsmaður nefndarinnar, Poul Thomsen, var sáttur við þróunina.

"The worst was behind the country," sagði Thomsen á blaðamannafundi, samkvæmt frétt á BBC.

Næsta athugun sjóðsins fer fram í febrúar.

Frétt breska ríkisútvarpsins um þetta mál má lesa hér. Fyrirsögn hennar er:

Iceland recovering well, says IMF

Athugasemdir

[Ragnar Gunnlaugsson, 25.1.2009 kl. 12:17]

Hækkun persónuafsláttar,var mjög mikilvægur fyrir allt láglauna fólk,lítið mynnst á það. Var að lesa feikna góðan pistil eftir Kolbrúnu Bergþórsdóttir í Mogganum í morgun.

[Arnold Björnsson (IP-tala skráð) 25.1.2009 kl. 15:44]

Þetta eru því miður jafn áreiðanlegar yfirlýsingar og komu úr greiningardeildum bankanna síðustu ár. Hvernig er það versta yfirstaðið þegar allur niðurskurðurinn er eftir. Að auki á eftir að  endurfjármagna bankana sem hafa sáralítið lausafé til að aðstoða atvinnulífið. Bankarnir fá ekki lán erlendis og ríkið er ekki aflögufært. Atvinnulífið á eftir að taka mikla dýfu. Staðan er fjarri því sú að það versta sé yfirstaðið. Því miður.

[Svavar Alfreð Jónsson, 25.1.2009 kl. 21:03]

Hárrétt hjá þér, Arnold. Það er margt erfitt framundan. Sumt fyrirséð og annað óvænt. Og ábyggilega eru að gerast og eiga eftir að gerast ótalmargir góðir hlutir. Mér finnst gott að heyra ef samstarfið við IMF er farið að bera árangur.