Efi og trú

Ég sá haft eftir íslenskum ráðamanni að skortur á gagnrýninni hugsun og efahyggju væri ein skýringin á hruninu. Það má til sanns vegar færa.

Við vorum of auðtrúa, efuðumst ekki um það sem okkur var sagt og vorum rekin jarmandi fram af brúninni. Vorum blind í trú okkar á endalausar framfarir, góðæri og hagöxt.

Gagnrýnin hugsun felst meðal annars í því að efast um sínar eigin hugsanir. Setja spurningamerki við þankagang sinn. Láta ekki hugmyndir sínar blinda sig því þær geta reynst ranghugmyndir.

Stundum er þessu stillt þannig upp að efi og trú samræmist ekki. Sá sem efast geti ekki trúað og trúuð manneskja hljóti að vera svo sannfærð að ekkert rúm sé fyrir efa í hennar hjarta.

Svona einfalt er það nú ekki.

Trúin og efinn haldast í hendur.

Allt hefur sinn tíma. Nú er tími efans á Íslandi. Tími til að efast um þau gildi sem leiddu okkur í vandræðin. Tími til að skoða undir steina og hreinsa burt skítinn. Afneita því sem við viljum ekki.

En núna er líka tími trúarinnar. Við þurfum við vita á hverju við viljum byggja. Hvar við viljum standa. Hvað við viljum endurreisa.

Aldrei hefur neinum tekist að byggja upp með því einu að rífa niður.

Við þurfum að vita hverju við viljum afneita en við þurfum líka að vita hverju við viljum játast.

Og ef til vill vitum við ekki hverju við viljum afneita nema við vitum hverju við viljum játast.

Mér þótti vel við hæfi að hafa mynd af hamri með þessari færslu. Hamarinn má nota bæði til að brjóta niður og byggja upp.

Athugasemdir

[Jón Ólafur Vilhjálmsson, 9.3.2009 kl. 23:24]

Þegar fé er ausið fé til  góðgerðarmála þá er ekki verið að berja á þeim á meðan og það er einnig ljóst að Samfylkingin hélt uppi vörnum fyrir Baugsveldið lengur en við mátti búast hugsanlega hafa þeir greitt þangað til að fá vörn úr stjórnkerfinu hvað á maður að halda? ó eðlilegur stuðningur og endalaust barið á Davíð nú er andstæðingurinn farinn og hvaða andstæðingur er þá eftir það er ekki gott að hafa ekki andstæðing.

[Matthías Ásgeirsson, 9.3.2009 kl. 23:46]

"En núna er líka tími trúarinnar. Við þurfum við vita á hverju við viljum byggja. Hvar við viljum standa. Hvað við viljum endurreisa."

Hvað kemur það "trú" við?

[DoctorE (IP-tala skráð) 10.3.2009 kl. 16:59]

Ég hef mikla trú á því að núna sé tíminn til að losa íslenska þjóð undan hjátrú þeirri sem ríkiskirkjan boðar, ég bara efast ekki neitt um það að 6000 millur eigi að fara í alvöru mál í stað þess að fara í gamla lygasögu og boðbera hennar.
Biblían boðar einmitt að gagnrýnin hugsun sé bara fyrir fífl, menn eiga að gleypa allt hrátt úr biblíu og hlýða algerlega skilyrðislaust yfirvaldinu sem guð biblíu setti yfir skrælingjana.
Á nýju íslandi er ekki pláss fyrir svona bull... þannig er það nú bara; Face it