Blessaðar órólegu deildirnar

Ýmsar sögur ganga af órólegum deildum innan stjórnmálaflokka.

Einkum eru það greyin Vinstrigræn og veslings Íhaldið sem þjást af slíkum innantökum.

Í órólegu deildunum mun vera fólk sem ekki er sammála flokkslínum og er því með vesen og nöldur.

Þá er nú betra að vera í hinum flokkunum þar sem allt er með kyrrum kjörum.

Þar eru allir sammála um allt og þægir, hlýðnir og auðsveipir.

Þar er hvorki vesen né nöldur og allir hafa sömu skoðanir á öllu.

Þar er bara ein deild og hún er sallaróleg.

Rólegu flokkarnir eru eins og þjóðfélagið fyrir hrun:

Bannað að segja það sem passar ekki inn í munstrið.

Þess vegna er mikið talað um endurreisn í rólegu flokkunum.

Rólegu flokkarnir vilja endurreisa rólega þjóðfélagið þar sem enginn er með vesen.

Myndina tók ég í gær af rólegum hestum við Bægisárkirkju.

 

Athugasemdir

[Lilja Mósesdóttir (IP-tala skráð) 8.8.2010 kl. 19:34]

Góður!!! Sumir í rólegu flokkunum er sammála órólegum deildunum en nenna bara ekki að berjast fyrir sannfæringu sinni. Það gæti líka skemmt fyrir þeim.

[Jóhann Elíasson, 9.8.2010 kl. 13:03]

Ég er kominn á þá skoðun að "órólega deildin" svokallaða í VG, sé bara að setja á svið litla leikþætti fyrir "ríkisstjórn fólksins", til þess að draga athyglina frá öðrum og mikilvægari málum sem ríkisstjórnin ræður ekki við, svo eftir mátulega langan tíma étur "órólega deildin" allt ofan í sig og fellst á einhverja fáránlega hluti eins og t.d í þessu Magma-máli.  Þetta getur verið "sniðug" PR starfsemi, í það minnsta hefur ekki verið gerð athugasemd við þessi vinnubrögð fyrr en nú.

[Dingli, 11.8.2010 kl. 16:16]

"Órólega deild" VG kom í veg fyrir að Icesave yrði samþykkt án þess að þingið fengi að kynna sér málið. Hafi hún þökk fyrir það.

[Kolbrún Stefánsdóttir, 13.8.2010 kl. 08:58]

Góður Svavar. Það er ómögulegt að allir séu á sama máli því þá verður minni og þrengri umræða um málefnin. Það er hinsvegar ekki fyrir friðelskandi fólk að vera í forystunni í þessum flokkum. Þar tala ég af reynslunni. Verst er þegar "deildir" eru alveg á öndverðum meiði í stefnunni. Þá eiga menn betur heima í öðrum flokkum. Minna skiptir um ágreining og álit á mönnum og aðferðum að sameiginlegu marki. 

Ég held eins og Jóhann að það sé mikið leikrit í gangi hjá VG og leikið tveim skjöldum til að manna báða vængina ( ef svo má segja)

Ég tek svo undir með Dingli og þakka órólegu deildinni í VG andófið við Icesave. Kveðja Kolla.