Vorboðar

Úr Hrísey berast þau tíðindi að snjótittlingar syngi að hætti sólskríkjunnar og hér á Akureyri varð ég í dag vitni að öðrum fyrirboða vorsins. Þreklega vaxinn hrafn hóf sig til flugs af Norðurbyggðinni með þennan líka óhræsis lurk í nefinu. Þurfti krummi langa flugbraut og útheimti flugtakið mikið hlaup enda töluvert kargó. Var engu líkara en að dökkmálaður katalínaflugbátur væri að hefja sig á loft þegar hann loks tók flugið og var hann óratíma að ná viðunandi hæð. Mér er sagt að krummi geri sér hreiður fyrir sumarmál og þykir mér líklegt að honum hafi litist vel á lurkinn í undirstöður þess.

Athugasemdir

[Steinunn Helga Sigurðardóttir, 27.3.2007 kl. 14:31]

kæri Svavar ég leifi mér að senda Davið skilaboð hérna í gegnum þig, með von um að bæði hann og þeir sem lásu ummæli mín um Frans frá Assisi munkinn geti séð svar mitt  til Daviðs.

Ljós til þín Svavar !

Kæri Davið, við höfum nú talað saman í síma um þetta, en finn að ég hef þörf fyrir að svara hérna þar sem ég skrifaði þessi skilaboð. þessi munkur er í hróaskeldu. vonbrigði mín fólust í því að ef ég hefði ekki sjálf lesið um Frans frá Assisi, þá hefði það sem hann sagði ekki verið til að kveikja áhuga minn á þessum merka manni.þegar ég fór frá þessum fundi fann ég og sú sem var með mér hverning vonbrigðin helltust yfir okkur. en við tókum bjartsýni okkar upp á ný, og þar sem við höfðum keypt nokkara bækur og netið er fullt af fróðleik um FA , sáum við að við gætum alveg gert þessa grein á viðtalsins.

kæri davið ég hef mikla virðingu og þakklæti  til þeirra sem vinna á Guðs vegum á meðan það er gert með Kærleikanum, og ég veit að það er það sem þið gerið. þið helgið lífi ykkar þessum boðskap. ég sendi Kærleika og Ljós til þín og óska þér og hinum munkinum alls hins besta.

steina