Jólin 2008

 

Þótt geisi þessi kreppa koma jól

og klukkan helgar tíðir inn mun slá.

Hún minnir á þann himins höfuðstól

sem hvorki ryð né mölur grandað fá.

 

Að nýju vængi fær hin forna sögn

því fjær og nær er ævintýrið sagt

og aftur fyllist hjartað helgri þögn

er heyrir það um barn í jötu lagt.

 

Nú birtist vonarstjarnan há og heið,

af hennar skini veröldin er kysst.

Til Betlehem hún lýsir öllum leið

og líka þeim sem kjarkinn hafa misst.

 

Á jólum verður gata þeirra greið

sem ganga til að finna Jesú Krist.

 

Ég óska ykkur öllum gleðilegra jóla og bið Guð að blessa nýtt ár.

Hjartans þakkir fyrir samskiptin á árinu 2008.

Svavar Alfreð Jónsson

Athugasemdir

[Brattur, 24.12.2008 kl. 14:16]

... fallegt hjá þér Svavar... óska þér og þínum gleðilegra jóla... takk fyrir skemmtileg skrif á árinu...

[Ragnheiður , 24.12.2008 kl. 15:07]

Hugheilar jólakveðjur og þakka þér fyrir skemmtileg skrif og bloggvináttu á árinu sem er að líða

[Bögga (IP-tala skráð) 24.12.2008 kl. 17:01]

  Tendrum ljós í hverju hjarta, tendrum ljós á tréinu bjarta.Guð gefi þér og þínum gleði og frið á jólum og birtu og hamingju á nýju ári.

      KV Bögga N.

[Þorsteinn Briem, 25.12.2008 kl. 10:02]

Gleðileg jól!