Þeir upplýstu hafa skoðun, hinum er borgað

Jón Baldvin Hannibalsson skrifar á bloggsíðu sína í dag að þeir sem fari hamförum gegn aðild Íslands að ESB séu aðallega einstaklingar sem fá borgað fyrir það.

Ef til vill er þessi fullyrðing svar við elítustimplinum sem reynt hefur verið að setja á háværustu stuðningsmenn þess að Ísland gangi í ESB. Titillinn á þessari færslu Jóns Baldvins styður það.

Umræða þar sem andstæðar fylkingar skiptast á stereótýpustimplum verður ekki til mikils gagns. 

Að lokum hrekkur hún upp af stimpilpúðunum.

Skiljanlega vilja talsmenn ESB-aðildar ekki láta flokka sig sem sem neina elítu.

Þó eru þeir alltaf að tala sig inn í hana. Hefja sig upp yfir pöpulinn, í hóp þeirra vitibornu og upplýstu.

Í pistli sínum segist Jón Baldvin Hannibalsson hafa skoðun. 

Og þeir sem hafi ekki sömu skoðun hafi í raun ekki skoðun.

Þeim sé bara borgað fyrir að segjast hafa skoðun.

Skoðanasystkin Jóns Baldvins hafa verið dugleg við að lýsa andmælendum sínum sem einangrunarsinnum.

Er það virkilega svo að þeir sem efast um erindi Íslands í ESB séu á móti alþjóðlegu samstarfi?

Vilja þeir einangrað Ísland?

Ég get ekki talað fyrir aðra en mig sjálfan en ég er eindreginn stuðningsmaður þess að Ísland taki af fullum krafti þátt í samstarfi þjóða.

En ég tel að Ísland eigi að taka þátt í samstarfi frjálsra, fullvalda og myndugra þjóða sem frjáls, fullvalda og myndug þjóð.

Nýjasti leikurinn í umræðunni er að gera hugtökin þjóð og þjóðerni að nánast hættulegum hallærishugtökum eins og má á þeim afturenda Fréttablaðsins sem snúið er að íslenskri þjóð á þessum degi.

Ef þú slærð inn þýska orðið yfir þjóð á gúgglinu og óskar eftir myndum kannast enginn við neitt nema felgur.

 

Athugasemdir

[Þorgeir Ragnarsson (IP-tala skráð) 6.5.2009 kl. 09:28]

Sammála.

[Axel Þór Kolbeinsson, 6.5.2009 kl. 11:29]

Ég tek undir með þér Svavar, og skrifaði sjálfur færslu um þann óhróður sem við fullveldissinnar verðum fyrir.

[Gunnar (IP-tala skráð) 6.5.2009 kl. 17:36]

Já, þeir eru fyrst og fremst einangurnarsinnar og innilokunarmenn. - Og hafa alltaf verið. Þetta er sama liðið og hefur í áratugi og heila öld barist gegn öllum samningum og meirháttar samskiptum og tengslum Íslands við umheiminn.

Þeir voru fyrrum í sama hópi og þeir menn sem fyrst börðust gegn lagningu sæstrengs til íslands þ.e. gegn símasambandi Íslands við umheiminn, en það var fyrsta stóra deilan af þessum toga og engin smáræðis barátta. Þetta er líka sama liðið og lét RÚV leggja út kostnað til að hindra að fólk gæti sé litsjónvarp fyrir utan að berjast gegn inngöngu í EFTA og EES og með tilbrigðum Kyoto og NATO. - Þetta eru öfgarnar til hægri og vinstri og velja innilokun ýmist af ofurhræðslu við það sem er útlent, vænisýki gagnvart því sem er framandi og/eða þörf fyrir að ráða yfir og ráðskast með annað fólk og þjóðina og halda henni í snörunni.

[Axel Þór Kolbeinsson, 6.5.2009 kl. 20:13]

Gunnar, þessi athugasemd þín segir meir um þig en okkur.

Ég er mjög hlynntur aðild okkar að EFTA og styð alla fríverslunarsamninga sem við getum gert.  Ég er ekki hlynntur aðild okkar að NATO en er heldur ekki það mikið á móti henni að ég taki þátt í Keflavíkurgöngu.

Málið er bara einfalt fyrir mér:  Ég tel hagsmunum Íslands betur komið utan ESB en innan.

Taktu þig til og lestu þá færslu sem ég vitna í.

[Guðrún Sæmundsdóttir, 6.5.2009 kl. 22:30]

Frábær pistill hjá þér!